15-01-2026, 14:10- 7 vəkillə bağlı intizam tənbehi tədbirləri tətbiq edildi
15-01-2026, 14:08- Qərb Sənaye Parkı yaradılır - Fərman
15-01-2026, 14:06- Anar Ələkbərov 90 yaşı tamam olan jurnalisti ziyarət etdi
15-01-2026, 13:52- Azərbaycanda pensiyaların artırılması ilə bağlı rəsmi açıqlama
15-01-2026, 13:00- "ADY" ötən il 400-ə yaxın blok-qatar qəbul edib
15-01-2026, 13:00- Naxçıvanda orta aylıq əmək haqqı 5%-dən çox artıb
15-01-2026, 12:30- Deputatların tətili bitdi, komitə iclasları başlayır
15-01-2026, 10:30- ABŞ Qəzza üzrə sülh planının ikinci mərhələsinin başladığını açıqladı
15-01-2026, 10:00- "Arsenal" "Çelsi"ni məğlub etdi
15-01-2026, 10:00- Millimizin Danimarka ilə yoldaşlıq oyunlarının hakimləri açıqlandı
15-01-2026, 09:00- Azərbaycan nefti ucuzlaşdı
30-12-2025, 19:00- Putin yenə onları təbrik etdi
30-12-2025, 16:24- Bakıda sərnişin taksi sürücüsünün pulunu oğurladı
30-12-2025, 16:21- Həsən Zeynalov “Vətənə xidmətə görə” ordeni ilə təltif edilib
30-12-2025, 16:19- Əcəmi Naxçıvaninin 900 illiyi qeyd olunacaq
30-12-2025, 16:00- Prezidentdən Rasim Musabəyovla bağlı SƏRƏNCAM
30-12-2025, 16:00- Prezidentdən Rasim Musabəyovla bağlı SƏRƏNCAM
30-12-2025, 16:00- Həsən Zeynalov “Vətənə xidmətə görə” ordeni ilə təltif edilib
30-12-2025, 15:00- Vətən Müharibəsi Qəhrəmanının anası vəfat etdi
30-12-2025, 15:00- Bu yanacağın vergi və rüsum güzəştinin müddəti 1 il uzadıldı
Azərbaycan memarlığının görkəmli nümayəndəsi, Naxçıvan memarlıq məktəbinin banisi Əcəmi Əbubəkr oğlu Naxçıvaninin 900 illiyi qeyd olunacaq.
Prezident İlham Əliyev bununla bağlı Sərəncam imzalayıb.
Sərəncamda deyilir:
"2026-cı ildə Azərbaycan memarlığının görkəmli nümayəndəsi, Naxçıvan memarlıq məktəbinin banisi Əcəmi Əbubəkr oğlu Naxçıvaninin 900 illiyi tamam olur.
Əcəmi Naxçıvani orta əsrlər Azərbaycan memarlığına yeni istiqamət vermiş və dövrün memarlıq üslubuna zəriflik, dinamiklik gətirmiş böyük sənətkardır. Onun fəaliyyəti Azərbaycanın dövlətçilik tarixində xüsusi yer tutan qüdrətli Atabəylər dövlətinin paytaxtı, Yaxın Şərqin mədəniyyət, elm, ticarət və sənət mərkəzlərindən biri Naxçıvan şəhəri ilə bağlı olmuşdur. Əcəmi Naxçıvaninin yaradıcılığı XII əsr Azərbaycan mədəni-ictimai fikrinin yüksəlişinin aydın təzahürlərindəndir. Naxçıvan şəhərindəki ehtişamlı abidələrdən Əcəmi dühasının məhsulu olan Möminə xatun məqbərəsi və Yusif ibn Küseyir türbəsi İslam aləminin şah əsərləri sırasında layiqli yer tutur. Bu monumental tikililər öz incə kompozisiyası və estetik mükəmməlliyi ilə seçilən, misilsiz gözəlliyə malik ölməz sənət inciləridir. Əcəminin parlaq irsi məktəb rolunu oynamış, sonrakı əsrlərdə də Azərbaycan və Yaxın Şərq ölkələrinin memarlığına güclü təsir göstərmişdir.
Ümummilli Lider Heydər Əliyevin təşəbbüsü ilə Əcəmi Naxçıvaninin 850 illik yubileyi 1976-cı ildə Azərbaycanda təntənəli şəkildə keçirilmişdir. Qüdrətli memarın 900 illiyinin UNESCO çərçivəsində qeyd olunan yubileylər siyahısına daxil edilməsi bütövlükdə Azərbaycan xalqının çoxəsrlik mədəniyyətinin zənginliklərinin beynəlxalq miqyasda daha geniş tanıdılmasında mühüm addımdır.
Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, orta əsrlər Azərbaycan memarlıq sənətinin inkişafında dərin və silinməz iz qoymuş böyük memar Əcəmi Naxçıvaninin 900 illik yubileyinin qeyd olunmasını təmin etmək məqsədilə qərara alıram:
1. Azərbaycan Respublikasının Mədəniyyət Nazirliyi Azərbaycan Milli
Elmlər Akademiyası ilə birlikdə Azərbaycan memarlığının görkəmli siması Əcəmi Naxçıvaninin 900 illik yubileyi ilə bağlı tədbirlər planı hazırlayıb həyata keçirsin.
2. Azərbaycan Respublikasının Nazirlər Kabineti bu Sərəncamdan irəli gələn məsələləri həll etsin".